ജീവനോടെയിരിക്കുന്ന 

ഓരോ നിമിഷങ്ങളിലും

എന്നിലേക്ക്‌ നിറയുന്ന

നിന്റെ ഓര്മ്മകളുടെ 

നിശ്വാസമായിരുന്നെന്റെ ലഹരി !

പ്രണയത്തിന്റെ 

നിലയ്ക്കാത്ത സംഗീതം
നിന്നിലൂടെ വീണ്ടും
കേട്ടുകൊണ്ടേയിരിക്കാൻ
കൊതിയായിരുന്നു

ചുറ്റുംഇരുട്ടിലേക്ക് തുറക്കുന്ന 

വാതായനങ്ങളുള്ള ഈ ഗുഹാമുഖത്തു ഞാനെത്തിയതെങ്ങിനെയാണ്

എവിടെയാണ് എനിക്കെന്നെ നഷ്ടമായത്.!

ഉരുണ്ടുകൂടുന്നമൗനം

കല്ലറയിലെ തണുപ്പുപോലെ

എന്നിലേക്ക്‌ ചൂഴ്ന്നിറങ്ങുമ്പോൾ

ശ്മശാനത്തിലേക്കുള്ള

അവസാന യാത്രയിലെങ്കിലും

വഴിയരികിൽ നിന്നെയൊന്നു കണ്ടിരുന്നെങ്കിൽ !

തൊണ്ടയിൽ കുരുങ്ങിയ

വാക്കുകൾ മുറിച്ചു

നിന്നെ ഞാൻ സ്നേഹിച്ചിരുന്നു

എന്നൊന്ന് പറയാൻ

കഴിഞ്ഞെങ്കിൽ !

By ഷിഹാബ് ഇബ്രാഹിം