Wednesday, May 20, 2009


മറക്കാതിരിക്കാന്‍....

ഇനിയും മറക്കാതിരിക്കാന്‍
ഓര്‍മയുടെ കയങ്ങളില്‍
ബന്ധ ബന്ധനങ്ങളുടെ
പിണഞ്ഞു പിഞ്ഞിയ നൂലെറിഞ്ഞു
യുഗങ്ങളേറെ കാത്തിരിക്കാം

ഇനിയുമൊരു പ്രണയകാലത്തില്‍
ഒരു വസന്തമായ്‌ നീയെത്തുമ്പോള്‍
ഈറന്‍ കിനാവുകളിലെ
കാമുകനായി രാപ്പാര്‍ക്കാം

പെരുമഴയിലൊരു കുടക്കീഴില്‍
നനഞ്ഞൊട്ടിയ നഗരം കാണാം
താഴ്വരയിലെ പൂന്തോപ്പുകളില്‍
കണ്ണാരം പൊത്തിക്കളിക്കാം

മഞ്ഞു പെയ്യുന്ന രാവുകളില്‍
പുതപ്പിനുള്ളില്‍ വിരുന്നൊരുക്കി
നുണക്കുഴികളില്‍ മധു പകര്‍ന്നു
കല്പാന്ത കാലത്തോളം ഒന്നിച്ചുറങ്ങാം
                                                                                                ഓര്‍മകളില്‍ നിലാവ് പെയ്തു
                                                                                                നീയണയുന്നതും കാത്ത്,
                                                                                                സഹന പര്‍വത്തിന്റെ നുകവും പേറി
                                                                                                സമാന്തരങ്ങളിലേക്ക് യാത്ര തുടരുന്നു ഞാന്‍

2 comments:

  1. മനോഹരം.........!!തുടരുക........എഴുത്ത്.........

    ReplyDelete